Kërkesat për eventet elitare klasike janë çdo vit në rritje, ndërsa për të siguruar një biletë të duhet të prenotosh të paktën një ose dy muaj para eventit.
Çmimet për të marrë pjesë në koncerte të tilla variojnë nga 250 euro deri në 700 euro mesatarisht.
Sivjet, ashtu si në vitin e kaluar, fronin e rekordit “Over Sold Classical Event”, e mban violinisti Andre Rieu. Kërkesat për të qenë pjesë e eventeve të tij janë aq të shumta, sa ai këtë sezon zhvillon në vendlindjen e tij, spektaklin e tij 4 netë përgjatë një jave dhe ka çdo mbrëmje audiencë rreth 26,000 persona.
Rieu është violinisti më i paguar në botë, me mbi 30 milionë albume të shitura. Ai shquhet për talentin, karizmën dhe spektaklin që ofron bashkë me orkestrën e tij të themeluar që prej vitit 1987 “Johann Strauss Orchestra”.
Violinisi me famë botërore ka në pronësi kështjellën ‘De Torentjes’, të ndërtuar në 1525, ku banon bashkë me familjen e tij, ndërsa të ardhurat e tij financiare janë rreth 45 milionë dollarë.
