Trajneri Christian Panucci është ndalur të flasë për “Sky Sport” në lidhje me afrimin e Carlo Ancelottit në pankinën e Napolit. Ai është shprehur se rikthimi i tij do të jetë një vlerë e shtuar për kampionatin italian. Po ashtu numri një i kombëtares shqiptare i ka sygjeruar Carlos që ta mbajë në ekip Elseid Hysajn, pasi është lojtarë që ka një potencial të lartë. Gjithashtu ai ka edhe një konsideratë për trajnerët italianë, kur thotë se ata më të zotët janë jashtë vendit.
Çfarë diferencash kanë Ancelotti dhe Sarri?
Sarri i ka dhënë një ide loje ekipit, që e kanë vlerësuar të gjithë. Ancelotti është një administrator shumë i mirë, ka drejtuar kampionë të mëdhenj dhe pikën e tij të forcës e ka te prakticiteti. Do të bëjë një punë të madhe te Napoli, duke i sjellë rezultate. Ngjan pak si kalimi mes Sakit dhe Capelos te Milani.
Çfarë ka Ancelotti të veçantë?
Më ka bërë përshtypje ana e tij humane. Ka një personalitet të jashtëzakonshëm dhe hyn në kokën e lojtarëve. Për këtë u surprizova, kur u shkarkua nga Bayerni. Jam i bindur se mënyrë e tij e punës do t’i sjellë rezultate Naoplit.
Sarri te Chelsea, e mundur?
Është një trajner me ide të qarta për lojën. Duhet parë se sa të kënaqur do të jenë lojtarët e Chelsea, kur të punojnë me 200 në orë.
Çfarë mendoni për Mançinin trajner të Italisë?
Në kombëtare ka pak kohë për të punuar, duhet të kesh 2-3 koncepte. Edhe ai di të stërvitë kampionë të mëdhenj. Mendoj se është trajner praktik, i duhuri për Italinë
Bufon dëshiron të luajë akoma?
Nëse ka dëshirë, është e drejtë të vazhdojë të luajë. Ka mundësinë të luajë në një skuadër të madhe, që me siguri do të fitojë Championsin vitet e ardhshme. I uroj fat!
Cilët lojtarë duhet të mbajë patjetër Napoli?
Nuk mund të them emra. Them vetëm Hysajn, sepse e stërvit me Shqipërinë. Carlo e di mirë se çfarë duhet të bëjë. Nëse Napoli synon të bëjë hapin e madh në drejtim të kualiteti, duhet të mbajë më të mirët dhe duhet të blejë lojtarë që janë gati. Në Europë duhen lojtarë të gatshëm dhe jo produkt, me të cilin mund të punosh.
