Kur disa përplasen rreth ngjarjeve të sotme, të tjerë ngatërrojnë libra pa pushim për të kuptuar se çfarë do të ndodhë nesër duke i dhënë drejtim ekonomisë dhe politikës së botës. Shembull janë librat “12 Forca Teknologjike që do ti jap formë të ardhmes sonë” e Kevin Kelley, “Ngritja e Azisë dhe rënia e Amerikës nga Obama tek Trump” i Gideon Rachman etj.
Këshilla për të rinjtë
Sipas drejtuesve të lart të bankave dhe firmave më të mëdha të botës, të rinjtë që synojnë t’i japin drejtim botës së nesërme duhet të marrin arsimin që do të dominojë teknologjitë dixhitale.
Edhe rendi i ri ishte i vjetër
E ardhmja, për ata që vrojtojnë drejt ndryshueshmërinë e rendit të botës në politikë, premtonte shpresë. Rënia dhe shpërbërja e Bashkimit Sovjetik, madje edhe “Rendi i ri Botëror” që Bushi shpalli, tashmë kanë mbetur pas. Ky rend, a nuk ishte “Fundi i Historisë” sipas disave? Sipas këtyre “Demokracia” dhe “Tregtia e lirë” tanimë ishin vlerat ideologjike pa rival mbi sipërfaqen e tokës. Kurse zbatuesi i tyre, me forcë ekonomike dhe ushtarake, do të ishte “Super shteti i vetëm”, SHBA.
Polarizime të reja
Fundi i Rendit të Ri Botëror, ndoshta erdhi me goditjen e Amerikës nga Al Kaide, ndoshta me rilindjen e ekonomisë së Kinës, ndoshta me kalimin e Putinit në krye të Rusisë. Kurse në Rendin e Ri Botëror më të fundit ka polarizime të reja nga pikëpamja ekonomike dhe politike. Një Luftë e re e Ftohtë ende e pa shpallur, luftërat e mandatuara në shkallë globale dhe kaosi që po përjetohet në Lindjen e Mesme pas Pranverës Arabe shpjegojnë rënien dhe humbjen e demokracisë.
Tre baza ndryshimi
Sipas Henry Kissinger-it, rendi më i ri botëror, zhvillohet rreth ndryshimeve në cilësinë e tre revolucioneve. Ndryshimi i parë është braktisja e Evropës të sistemit shtetëror tradicional. Ndryshimi i dytë është shpallja luftë kundër nocionit të sovranitetit historik të Islamit radikal. Dhe ndryshimi i tretë është zhvendosja e qendrës së peshës në marrëdhëniet ndërkombëtare nga Atlantiku në Pacifik.
Pozicioni i Turqisë
Tablo tragjike që ka krijuar pushtimi Amerikan i Irakut, ekuilibrat që ndryshojnë vazhdimisht në Siri dhe reagimi si spektator i aleatëve klasik përballë goditjes së terrorizmit që buron nga paqëndrueshmëria në kufijtë e saj të Jugut, e kanë detyruar Turqinë t’i drejtohet kërkimeve të reja. Gazeta SABAH/Mehmet Barlas
TIRANA TODAY
