Pavarësisht fitores elektorale të Partisë Demokratike për Unitet Kombëtar Maqedonas (VMRO-DPMNE), të udhëhequr nga kryeministri Nikolla Gruevksi, qeveritë perëndimore po mbështesin haptazi partinë kryesore të opozitës, Bashkimin Social-Demokratik të Maqedonisë (SDSM), dhe Zoran Zaev, shkruan”Sputnik”.
Presidenti Ivanov i ka kategorizuar dispozitat e këtyre kërkesave, si një kërcënim për integritetin territorial të Maqedonisë. Politologu maqedonas, Branko Djordjevski, ka thënë se fuqitë perëndimore do të vazhdojnë të tentojnë për ta hequr Gruevskin nga pushteti, sepse ata kanë nevojë për lidera që iu binden.
Së dyti, eksperti vuri në dukje se duke i bërë presion Maqedonisë, fuqitë perëndimore janë duke u përpjekur të parandalojnë përhapjen e ndikimit rus në Ballkan.
Dragomir Andjelkoviç tha: “Kur Gruevski erdhi në përfundimin se ndikimi rus në Maqedoni do të jetë shans i madh për zhvillimin e vendit, atëherë filloi përplasja e militantëve shqiptarë dhe forcave të Ministrisë së Brendshme në Kumanovë.
Politologu serb, Aleskandar Paviç, beson se faktori shqiptar është duke i përdorur këto “bllokada”.
“Paqëndrueshmëria në Maqedoni parashikon vdekjen e dy projekteve, ruse dhe kineze. NATO dëshiron të shohë formimin e një qeverie në Maqedoni, e cila është antimaqedonase, sa më shpejt të jetë e mundur, dhe pakica shqiptare të jetë garantues i vizionit Globalist të Uashingtonit, i cili është duke u munduar të udhëheq kudo që të mundet”, ka thënë Paviç.
Gjithashtu edhe analistët rus kanë qenë të të njëjtit mendim, duke deklaruar se SHBA dhe Evropa është duke i përdorur shqiptarët si faktorë për të shtrirë ndikimin në Ballkan.
