Aeroporti Ndërkombëtar i Louisville ka ndryshuar emrin në nder të tre herë kampionit të peshave të rënda në boks, Muhammad Ali. Ai është ikona e këtij qyteti dhe është cilësuar si veprim i vonuar.
Bordi i Autoritetit Rajonal të Aeroportit të Louisville votoi të mërkurën për të ndryshuar emrin në Aeroportin Ndërkombëtar i Louisville në ‘Muhammad Ali’, sipas një njoftimi për shtyp. Votimi vjen vetëm një ditë përpara asaj që do të ishte ditëlindja e 77-të e heroit. Ai vdiq në verën e vitit 2016 në moshën 74 vjeç. Kjo është një gjë e rrallë që vetëm një legjendë si Ali mund ti ndodhte, që një aeroporti ndërkombëtar në SHBA ti vendosej emër mysliman. Në fakt emri i lindjes së Mohammed Ali ishte Cassius Marcellus Clay Jr, por më pas u konvertua në mysliman.
“Muhamedi Ali i përkiste botës, por ai kishte vetëm një vendlindje, dhe për fat të mirë, ky është qyteti ynë i madh i Louisville”, tha kryebashkiaku i Louisville, Greg Fischer sipas vendimit.
Votimi u zhvillua pas një rekomandimi të një grupi pune të bordit që studioi riemërimin për më shumë se një vit.
E veja e Aliut, Lonnie Ali e quajti kampionin “qytetar global”, por shtoi se “ai kurrë nuk harroi qytetin që e ndihmoi në fillimet e tij. Është një testament për trashëgiminë e tij”.
Ndërkohë që emri i aeroportit do të ndryshojë, Kodi i tanishëm i Shoqatës Ndërkombëtare të Transportit Ajror (IATA) me tre shkronja – SDF – nuk do të ndryshojë. Përshtati TIRANA TODAY
