Amerikanët kanë nisur të votojnë në zgjedhjet që po shihen si një referendum për presidencën e Donald Trump. Mes Republikanëve dhe Demokratëve ka një betejë tashmë se kush do marrë kontrollin e shtëpive të Kongresit.
Po ashtu, ka një garë për postet e guvernatorëve dhe vendeve në legjislaturë.
Zgjedhjet afatmesme vijnë përgjysmë gjatë katër viteve të Trump në detyrë dhe ndjekin një fushatë përçarëse.
Trump mori pjesë në tri tubime në ditën e fundit të fushatës, duke u thënë mbështetësve të tij: “Gjithçka që kemi arritur është në rrezik nesër”.
Barak Obama tha se “karakteri i vendit tonë është në fletëvotim”. Ish presidenti ka shkruan se ky votim “mund të jetë më i rëndësishmi i jetës tonë”.
Amerikanët po votojnë për 435 vende në Dhomën e Përfaqësuesve dhe 35 nga 100 vende në Senat – dy organet që përbëjnë Kongresin. Guvernatorët gjithashtu janë duke u zgjedhur në 36 nga 50 shtete.
Nëse demokratët mund të kontrollojnë njërën ose të dy dhomat, ata mund të pengojnë ose madje të ndryshojnë planet e Trump./ TIRANA TODAY
