Sot u mbajt tryeza e konsultimeve në Komisionin e realizimit të Reformës zgjedhore.
Ambasadori i Prezencës se OSBE në Shqipëri theksoi se reforma zgjedhore duhet ë bazohet në transparencë, barazi, sanksione dhe mbikëqyrje.
“Rifillimi i punës së komisionit, sinjal pozitiv. Shqipëria ndodhet në një moment vendimtar. Duhen pasur parasysh katër pika: Transparencë, deklarim i plotë i të ardhurave të partive politike, Barazia, Zbatimi i institucioneve mbikqyrëse, burime të mjaftueshme financiare e njerëzore për të ushtruar kontrollin, Sanksione efektive dhe proporcionale për të dekurajuar mos respektimin e ligjit. Thelbësore është se kuadri i financimit të partive politike, do të bëhej i pa plotë pa adresuar rekomandimet për fushatat zgjedhore. Raporti i OSBE për 2015 dhe ato të mëparshme, evidentoi një sërë fushash ku duhet të rishihet kuadri ligjor. Jemi te gatshëm të mbështesim komisionin në dialogun mes palëve. Duke qenë se në pranverën e 2017 janë zgjedhjet lokale, koha është vendimtare”, tha ambasadori Tarrani.
Ndërkohë ambasadori i BE-së Silvio Gonzato theksoi nevojën e dialogut politik mes palëve për zbatimin e reformës zgjedhore.
“Kur u takova me dy bashkëkryetarët kohët e fundit, u inkurajova nga qasja konstruktive e tyre. Në kontekstin aktual politik, fryma e dialogut për këtë reformë, është thelbësore. Reforma duhet të përmbushë pritshmëritë e qytetarëve, dhe standardin e ndërkombëtarëve. Interesimi për këtë çështje vjen në kohë kritike, pasi lidhet me integrimin. Kjo çështje është kyçe për Shqipërinë. Ndaj, kemi këtë kohë apo afat dhe trysni për komisionin. Reforma zgjedhore është nevojë demokratike. Besimi në zgjedhje është me shumë rëndësi. Qytetarët duhet të kenë besim te zgjedhjet. Kur burimet e financimit janë të paqarta dhe mbikëqyrja është e dobët, besimi te këto institucione është i minuar”, u shpreh Silvio Gonzato.
