Alisson i paarritshëm, Klopp gati ofertën për Strakoshën

Pas finales së Champions League në Kiev, ku portieri Loris Karius bëri ato dy gabime fatale Liverpool është hedhur në sulm për të siguruar një gardian të ri për portën. I preferuari i Jurgen Klopp është braziliani Alison Becker, por duket se kjo është një pistë e pamundur për “The Reds” pasi nuk kanë ndërmend të shpenzojnë 80 milionë euro për një portier.Kjo ka bërë që të kalojnë në pistën e dytë, atë të Lazios.  Portieri shqiptar, Thomas Strakosha është një ndër më të dalluarit gjatë sezonit të kaluar në Itali, duke u përzgjedhur edhe në formacionin më të mirë të vitit për moshat U23. Kjo performancë e gardianit kuqezi, ka bërë që drejtuesit e Liverpulit të mendojnë një ofertë të majme për të.Sipas mediave italiane, oferta e klubit të drejtuar nga Jurgen Klopp, pritet të kapë shifrat e 30 milionë eurove, shifër kjo që vështirë që mund të refuzohet nga Lazio, megjithatë, për Strakoshën nuk është i interesuar vetëm Liverpooli.