Interpol ka dhënë alarmin, teksa ka në dorë një listë prej 50 luftëtarësh të dyshuar si anëtarë të ISIS, të cilët besohet se kanë mbërritur së fundmi në Itali nëpërmjet një varke. Jo vetëm kaq, por mendohet se këta luftëtarë synojnë që të shpërndahen edhe në vende të tjera evropiane.
Lista, e siguruar nga The Guardian, është hartuar nga Sekretariati i Përgjithshëm i Organizatës Ndërkombëtare të Policisë dhe iu dërgua Ministrisë së Brendshme të Italisë më 29 nëntor.
Kjo ministri, e shpërndau më pas listën në agjencitë kombëtare kundër terrorizmit në të gjithë Evropën.
Të dyshuarit në listë janë shtetas tunizianë, disa prej të cilëve janë identifikuar nga autoritetet kur kanë mbërritur në Itali. Dokumenti tregon emrin e tyre, mbiemrin dhe datat e lindjeve.
Rreth 5,500 tunizianë besohej se kishin udhëtuar në territorin e ISIS në Siri dhe Irak për të luftuar për grupin terrorist, sipas vlerësimeve të OKB-së. Tani, pas rënies së “kalifatit” të saj, qeveritë kanë shprehur shqetësimin se ish luftëtarët mund të përpiqen të ngrenë sulme në Evropë. TIRANA TODAY
