Al-Khelaifi ngre barrierën e frikshme: As për 1 miliard nuk do e shisja

PSG ka në përbërje shumë yje të cilët tashmë janë në qendër të klubeve të mëdha europiane dhe janë të gatshëm për të paguar shuma të çmendura për ti pasur në gjirin e tyre. Neymar është kthyer në një çështje të ditës në media, ku Real Madrid i është vënë keq pas dhe kërkon me çdo kusht brazilianin në Madrid, por po has rezistencë të fortë nga sheikët parisienë.Presidenti i Paris Saint Germain, Nasser Al-Khelaifi ka zbuluar se kë nga lojtarët e ekipit të tij nuk do të shiste as për 1 miliard euro. Sipas “le10Sport”, Khelaifi ka thënë për Mbappe se sulmuesi vlen 1 miliard euro, por as për këtë çmim nuk do ta shiste.“Kylian Mbappe vlen 1 miliard euro. Po, thashë 1 miliard. Por, edhe po të m’i jepnin, nuk do ta shisja”, është shprehur Presidenti i PSG. 19-vjeçari Mbappe kaloi nga Monaco te PSG për 180 milionë euro. Në sezonin e tij të parë me klubin francez ai shënoi 21 gola në të gjitha kompeticionet.