Ish-kryeministri Sali Berisha, pak minuta para nisjes së protestës para parlamentit ka publikuar një video ku shihen qytetarët që janë nisur drejt kryeqytetit për tu bashkuar në protestë.
Lideri i demokratëve nderon qytetarët që po i përgjigjen thirrjes për të protestuar para parlamentit Rama-Linda.
“Vërshim masiv drejt Tiranës për protestën para Parlamentit Rama- Linda! Nderim! Nderim, luftëtarëve të betejës pa kthim”, shkruan Berisha.
Nga ana tjetër janë marrë masa për protestën që pritet të zhvillohet para parlamentit.
Rreth 400 efektivë janë në terren si dhe autobote.
Protesta e opozitës do të zhvillohet si brenda dhe jashtë parlamentit.
