Aksion i madh anti-çadra! Lirohen hapësirat publike në plazhin e Golemit, sekuestrohen 70 komplete shezlongë

Në kuadër të operacionit të koduar “Plazh i lirë” policia në Kavajë ka vijuar kontrolle në vijën bregdetare me qëllim lirimin e hapësirave publike.
Policia njoftoi se në plazhin e Golemit u konstatuan dhe u hoqën 70 komplete me çadra dhe shezlongë që ishin vendosur nga qytetarët, pa lejen përkatëse.
Shërbimet e Komisariatit të Policisë Kavajë, në kuadër të plan-operacionit “Plazhi i lirë”, kanë vijuar kontrollet përgjatë gjithë vijës bregdetare, me qëllim lirimin e hapësirave publike që zihen pa lejen përkatëse, nga subjektet në bregdet apo nga vetë pushuesit, duke vënë çadra dhe shezlongë.
Shërbimet e Policisë do të vijojnë kontrollet përgjatë gjithë vijës bregdetare, me qëllim lirimin e hapësirave publike, për pushuesit, dhe verifikimin e aktiviteteve që kryejnë subjektet, gjatë sezonit veror”, njoftoi policia.