Detaje të reja janë zbuluar nga ngjarja tragjike që ndodhi në Fushë Domje, ku një i mitur 2-vjeçar humbi jetën pasi u përplas nga një automjet pranë banesës së familjes së tij.
Sipas informacionit të dhënë, fëmija u transportua fillimisht në poliklinikën e Kamzës dhe më pas në Spitalin e Traumës, ku mbërriti pa shenja jete.
Raportohet se familjarët e fëmijës, të tronditur nga ngjarja, nuk dhanë informacion të saktë për momentin, duke shpresuar se ai do të shpëtonte. Fillimisht, ata ngritën hipoteza se fëmija ishte përplasur nga një automjet në rrugë, pa e identifikuar atë.
Menjëherë pas ngjarjes, policia ngriti një grup hetimor, i cili arriti të identifikojë dhe kapë autorin, Y.M., i cili ishte komshi me familjen, si dhe të gjejë e sekuestronte automjetin e përfshirë në aksident, një Mercedes-Benz.
