Policia ka vënë në pranga dy drejtuesit e automjeteve të përfshirë në aksidentin e rëndë që ndodhi më 3 shkurt në aksin Cërrik-Gramsh, ku humbi jetën pasagjeri Arianit Hysa, 52 vjeç.
Të arrestuarit janë G. K., 21 vjeç, dhe E. H., 39 vjeç, të cilët akuzohen për “Shkelje të rregullave të qarkullimit rrugor”. Përveç viktimës, në aksident mbetën të plagosur dy drejtuesit dhe një pasagjer tjetër, të cilët ndodhen jashtë rrezikut për jetën.
Policia bën me dije se hetimet po vijojnë për të sqaruar plotësisht shkaqet e aksidentit, ndërsa dy të arrestuarit pritet të përballen me drejtësinë.
