Një aksident i tmerrshëm ku është përfshirë një makinë dhe një kamion cisternë ka shkaktuar vdekjen e katër personave. Një Nissan Infiniti i bardhë po udhëtonte me shpejtësi të lartë në Garden State Parkway të New Jersey-it rreth orës 3 të mëngjesit kur ajo u fut në pjesën e prapme të një kamioni cisternë.
Si pasojë e aksidentit katër të rinj kanë humbur jetën menjëherë, Kevin Quispe-Prieto, 21 vjeç, vëllai Jimmy, 23 vjeç, Viktor Lugo, 24 vjeçar dhe një anëtar i marinës amerikane, Robert Ordenana, 23 vjeç.
Fotot e aksidentit tregojnë anën e përparme të automjetit të shkatërruar plotësisht nga përplasja me kamionin. Shoferi i kamionit ka pësuar lëndime të lehta, sipas policisë. Ishte pikërisht ai që njoftoi policinë dhe ndihmën e shpejtë, për të raportuar ngjarjen, pa e kuptuar shkallën e aksidentit.
Emri i shoferit nuk është bërë i ditur nga policia, por kamioni i përket Taylor Oil, Co., me seli në Somerville, New Jersey. NBC New York raporton 21-vjeçari Quispe-Prieto, i cili ishte diplomuar një vit më parë në shkenca kompjuterike nga Ocean County College, ishte shoferi.
Burimet e zbatimit të ligjit tregojnë për NBC New York se ai sektor i autostradës është i njohur për tejkalimin e shpejtësisë nga automjetet dhe se shpesh ka pasur aksidente. Është pjesa e rrugës e tillë ku makinat afrohen me shpejtësi të madhe dhe nuk mund të shikojnë përtej kthesës nëse kanë makina para apo jo dhe në këtë mënyrë shkaktohen aksidente. TIRANA TODAY
