Një aksident me pasojë vdekje ka ndodhur këtë të martë në aksin rrugor Lezhë–Shkodër, pranë kryqëzimit të fshatit Gjadër.
Një turist i huaj, duke drejtuar një motor, ka humbur kontrollin e mjetit dhe është përplasur me një automjet tjetër, duke gjetur vdekjen si pasojë e plagëve të marra.
Policia ndodhet në vendngjarje dhe ka nisur hetimet për të përcaktuar rrethanat dhe shkaqet e aksidentit.
