Një 63-vjeçare ka humbur jetën gjatë mbrëmjes së djeshme, pasi është përplasur nga një mjet. Aksidenti me pasojë jetën është shënuar rreth orës 23:50 minuta në autostradën Laç-Lezhë.
Nga aksidenti ka humbur jetën 63-vjeçarja me inicialet P.P., nga Shkodra. Viktima dyshohet se i ka prerë rrugën një mjeti tip Benz, që po udhëtonte drejt Lezhës.
Drejtuesi i mjetit, 54-vjeçari me inicialet L.Gj., nga Puka, është shoqëruar në polici, për veprime të mëtejshme proceduriale, ndërsa uniformat blu kanë nisur punën për zbardhjen e ngjarjes.
