Një aksident ka ndodhur në aksin Mbreshtan-Pashalli. Një mjet, tip Xhip Kamionçinë, me targa AA 488 EK, ka humbur kontrollin dhe ka dalë nga rruga, duke rënë nga një lartësi në përrua.
Aksidenti ka ndodhur në vendin e quajtur “Rezervuari”.
Si pasojë e aksidentit është plagosur drejtuesi i mjetit, shtetasi Kastriot Çuka,59-vjeç dhe tre pasagjerët që udhëtonin me të në makinë.
Të plagosurit janë nxjerrë nga mjeti me ndihmën e forcave të policisë dhe janë transportuar drejt Spitalit Rajonal Berat, ku po marrin mjekim, për shkak të plagëve të marra.
Burimet policore konfirmojnë se grupi hetimor po punon për zbardhjen e plotë të rrethanave dhe shkakut të aksidentit.
Ajo që vihet re edhe nga pamjet filmike është fakti se rruga ka mungesë ndriçimi dhe është e gjitha e shkatërruar dhe me kthesa të forta.
