Dy persona kanë mbetur të plagosur rëndë pas një aksidenti të ndodhur në aksin rrugor Bulqizë-Gurët e Skënderbeut në vendin e quajtur Vajkal.
Sipas policisë së Bulqizës, ngjarja ka ndodhur rreth orës 20:00 të mbrëmjes, ku makina tip Benz ka dalë nga rruga duke përfunduar në livadh.
Drejtuesit e tjerë, të cilët lëviznin në këtë aks rrugor kanë njoftuar policinë dhe ambulancën.
Dy personat që udhëtonin në automjet janë dërguar me urgjencë në spital pasi kanë marrë plagë të rënda.
Ky është aksidenti i dytë i rëndë gjatë mbrëmjes së sotme.
Rreth orës 19:45, në fshatin Stravec të Divjakës, shtetasi Mariglen Labota, duke drejtuar automjetin tip “Porsche” ka humbur kontrollin mbi drejtimin e automjetit dhe për pasojë ka dalë nga rruga dhe ka rënë në kanal.
Si pasojë humbi jetën pasagjeri, Daniel Sharka, 30 vjeç dhe mbeti i lënduar shoferi.
