Një aksident rrugor i rëndë ka ndodhur sot në aksin që lidh qytetin e Vlorës me zonën e Zvërnecit, ku janë përfshirë tre automjete. Si pasojë e përplasjes, pesë persona janë plagosur, përfshirë një fëmijë që udhëtonte në automjetin e parë me targa italiane.
Të gjithë të plagosurit janë dërguar me urgjencë në Spitalin Rajonal të Vlorës për marrjen e ndihmës mjekësore. Sipas informacionit të deritanishëm, dy prej të plagosurve ndodhen nën kujdesin intensiv të mjekëve.
Policia ka mbërritur në vendngjarje dhe ka nisur hetimet për zbardhjen e shkakut të aksidentit, ndërsa mësohet se ka pasur dëme materiale në të tre automjetet e përfshira në ngjarje. Hetimet vijojnë për të sqaruar rrethanat e aksidentit.
