Një aksident i rëndë ka ndodhur pasditen e sotme në afërsi të fshatit Leminot, në Maliq. Sipas informacioneve paraprake, një motor ka përplasur një këmbësor, duke shkaktuar një situatë në zonë.
Ende nuk dihen rrethanat e sakta të aksidentit, ndërsa burime nga vendngjarja bëjnë me dije se dyshohet për një viktimë. Policia ka mbërritur menjëherë në vendin e ngjarjes dhe po heton për të zbardhur shkaqet e këtij aksidenti.
Nuk ka ende informacion mbi identitetin e të përfshirëve në ngjarje dhe as mbi gjendjen e shoferit të motorit. Ambulanca ka transportuar të lënduarin në spital, ndërsa policia po punon për të sqaruar detajet dhe përgjegjësinë e aksidentit.
Autoritetet u bëjnë thirrje drejtuesve të mjeteve dhe këmbësorëve që të jenë të kujdesshëm në rrugë për të shmangur tragjedi të tilla. Pritet që në orët në vijim të ketë më shumë detaje mbi ngjarjen.
