Një aksident i rëndë ka ndodhur ditën e sotme në Tiranë.
Policia bën me dije se rreth orës 13:10, në rrugën “Ramazan Gaxherri”, shtetasi B. D., 26 vjeç, duke drejtuar mjetin tip kamion, ka humbur kontrollin mbi drejtimin e tij dhe për pasojë mjeti ka dalë nga rruga, duke dëmtuar 3 mjete të tjera të parkuara.
Shoferi ka mbetur i plagosur dhe është dërguar në spitalin e Traumës, për ndihmë mjekësore.
Grupi hetimor po punon për sqarimin e rrethanave të aksidentit.
