Një aksident i rëndë ka ndodhur pak minuta më parë në afërsi të kopshtit zoologjik në Tiranë.
Burime bëjnë me dije se një makinë është përmbysur në rrugë. Dyshohet se si pasojë e aksidentit një person ka humbur jetën.
Siç shihet edhe në FOTO, në afërsi të ambulancës është një trup i mbuluar me çarçaf. Sipas dëshmive të para, thuhet se viktimë ka mbetur një vajzë, ndërsa një tjetër person që ka qenë në makinë, ka përfunduar në anën tjetër të rrugës.
Pritet njoftimi i policisë për sqarimin e ngjarjes.
