Mëngjesin e sotëm një aksident tragjik me pasojë vdekjen e një 19-vjeçari u shënua në në autostradën Tiranë–Durrës, në afërsi të zonës së Marikajt.
Policia njofton se drejtuesi i automjetit rreth 18 vjeç, dyshohet se ka humbur kontrollin mbi drejtimin e automjetit dhe për pasojë, automjeti ka dalë nga rruga duke shkaktuar vdekjen e menjëhershme të një 19-vjeçari pasagjer dhe plagosjen e një tjetri.
Tiranë/Informacion paraprak
Rreth orës 00:40, në autostradën “Tiranë-Durrës”, në zonën e “Marikaj”, shtetasi D. D., rreth 18 vjeç, dyshohet se ka humbur kontrollin mbi drejtimin e automjetit dhe për pasojë, automjeti ka dalë nga rruga.
Nga aksidenti ka humbur jetën pasagjeri në automjet, shtetasi E. B., rreth 19 vjeç, ndërsa janë dëmtuar drejtuesi i mjetit dhe pasagjeri tjetër, të cilët ndodhen në spital, nën kujdesin e mjekëve.
Grupi hetimor vijon punën për përcaktimin e shkakut të aksidentit dhe sqarimin e rrethanave.
