Një aksident rrugor ka ndodhur këtë pasdite në afërsi të fshatit Buronjë, pranë Stjarit, në aksin Sarandë-Delvinë. Një automjet ka humbur kontrollin dhe ka rënë nga ura, duke lënë të plagosur drejtuesin e mjetit.
Sipas informacioneve paraprake, në automjet ndodhej vetëm shoferi, një burrë rreth 60 vjeç, i cili është transportuar menjëherë në Spitalin e Sarandës për të marrë ndihmën e nevojshme mjekësore.
Grupi hetimor po punon për të zbardhur rrethanat e aksidentit.
