Një aksident i rëndë ka ndodhur pranë kryqëzimit të Dajçit, në autostradën Lezhë-Shkodër. Një kamion është përplasur me një motor, duke shkaktuar vdekjen e drejtuesit të motoçikletës.
Menjëherë në vendngjarje ka mbërritur ambulanca, e cila ka transportuar drejtuesin e motoçikletës në spital, por ky i fundit nuk ka mundur t’u mbijetojë plagëve të marra.
Ndërkohë, forcat e policisë ndodhen në vendngjarje dhe po kryejnë hetimet për zbardhjen e rrethanave të aksidentit.
