Të paktën 26 njerëz janë vrarë kur një minibus shpërtheu në flakë pas përplasjes shkatërrimtare me një kamion.
Disa fëmijë raportohet se ishin në bordin e mjetit në kohën e aksidentit dje në Meksikë.
Mjeti i rëndë rural u përplas kokë më kokë me minibusin në një autostradë në shtetin veriperëndimor të Tamaulipas para se të dy automjetet të merrnin flakë.
Imazhe të rënda të shpërndara nga autoritetet tregonin furgonin e pasagjerëve të shkatërrua tërësisht nga flakët.
Mediat vendase thonin se viktimat në minibusin e pasagjerëve ishin familjarë që kishin marrë mjetin me qera për të udhëtuar drejt qytetit verior të Monterrey në Veracruz.
Autoritetet në Tamaulipas thanë se kamioni që kishte përplasur minibusin nuk ishte më në vendngjarje dhe nuk e dinin nëse shoferi ishte larguar apo kishte vdekur në përplasje.
Viktimat ishin të gjithë nga Meksikë teksa dokumentet e identifikimit ishin marrë nga vendngjarja.
Guvernatori i Tamaulipas, Americo Villarreal Anaya tha dje: “Një tragjedi e dhimbshme u regjistrua mëngjesin e sotëm në autostradën Guemez-Zaragoza ku njerëz të pafajshëm humbën jetën. Kam dhënë udhëzime që të kryhen hetimet për shkaqet e aksidentit dhe të jepet ndihmë për të gjitha familjet e prekura nga tragjedia”.
