Kryetari i Akademisë së Shkencave, Gudar Beqiraj, ka dhënë dorëheqjen. Beqiraj u zgjedh në këtë detyrë në katër shtator të këtij viti, por nuk u dekretua nga presidenti Meta.
Mësohet se shkak për dorëheqjen është bërë përplasja me Qeverinë, pasi kryeministri Rama paralajmëroi ndërprerjen e financimit.
Matematikani Gudar Beqiraj është zgjedhur Kryetari i ri i Akademisë së Shkencave me 28 vota pro dhe 3 kundër.
Beqiraj arriti të zgjidhej në krye të institucionit drejtues të shkencës pas votimit të kryer nga të pranishmit në sallë si dhe 9 vota të ardhura me zarf nga anëtarët e Akademisë që mungonin. Ndërkohë, vota e anëtarit të akademisë Fuga mungonte pasi zarfin profesori e kishte kthyer bosh.
Zgjedhjet e kryetarit dhe nënkryetarit, Fuga i quajti “zgjedhje farsë”, duke kërkuar ndërhyrjen e kryeministrit Rama për reformimin e Akademisë së Shkencave.
