Erkut Sögüt agjenti i mesfushorit me tipare sulmuese Mesut Özil, deklaron
se futbollisti i tij është i lumtur te Arsenali dhe do të vazhdojë të luajë me ta deri në fund të kontratës.
31 vjeçari është përfolur shpesh për një largim të mundshëm, me klubin turk Fenerbahçe si më favoriti për të nënshkruar me të, por agjenti i tij hedh poshtë mundësinë e largimit të Özil deri në fund të kontratës, në vitin 2021.
“Në futboll kurrë nuk i dihet. Pikësëpari, nuk mund të parashikosh transferimet e lojtarëve. E kam thënë dhe po e përsëris, Özil është me të vërtetë i lumtur te Arsenal. Ai ka një kontratë për të respektuar dhe nuk largohet,” u shpreh agjenti për “Goal”.
