Një aksident ka ndodhur në Lushnjë, ku një 17-vjeçar që drejtonte një motoçikletë ka humbur kontrollin dhe ka përfunduar në një kanal pranë rrugës që lidh qytetin e Lushnjes me autostradën. Dy persona që kanë qenë dëshmitarë të ngjarjes kanë ndaluar mjetin dhe kanë nxituar të ndihmojnë 17-vjeçarin, i cili ishte duke u mbytur nga uji i kanalit.
Pas njoftimit të policisë dhe ambulancës, i dëmtuari, i identifikuar si Mateo dhe banor i Savrës, është nxjerrë nga kanali dhe është dërguar në spitalin e Lushnjes në gjendje të rëndë. Mateo po kthehej në shtëpi kur ndodhi aksidenti.
Policia ka mbërritur në vendngjarje dhe po kryen procedurat për të zbardhur shkaqet e aksidentit, me dyshimet e para që lidhen me humbjen e kontrollit mbi motoçikletën, e cila ka përfunduar në kanalin e mbushur me ujë.
