Administrata e presidentit amerikan, Donald Trump, rikonfirmoi sot se financimi i murit në kufirin meksikan është një kusht për miratimin e buxhetit amerikan, edhe sikur të rrezikojë një paralizë të qeverisë në rast të dështimit të negociatave.
Miliarderi republikan shpreson që Kongresi të miratojë në ditët e ardhshme një pjesë të financimit për këtë mur, premtim i fushatës së tij, para miratimit të buxhetit.
Në mungesë të marëveshjes, qeveria rrezikon të paralizohet të shtunën e ardhshme, me rastin e 100 ditëve të manjatit nju jorkez në Shtëpinë e Bardhë, gjë që do të çonte në mbylljen de facto të agjencive qeveritare, shkruan “ATA”.
Drejtori i Buxhetit, Mick Mulvaney, i shtriu dorën opozitës demokrate, duke e siguruar se Shtëpia e Bardhë ishte e gatshme të bënte lëshime për reformën e sigurimit shëndetësor “Obamacare” për të marrë këtë financim.
