Këngëtarja Adele ka ndërmend të tërhiqet një herë e mirë nga koncertet live.
Lajmin e keq për fansat e saj diva e muzikës e dha nëpërmjet një letre të publikuar në rrjetet sociale, ku është shprehur se turi i saj për albumin “25”, fitues i çmimit “Grammy”, mund të jetë i fundit.
“Unë kam mbajtur turne në Britani të Madhe, Evropë, Amerikë, kam shkuar dhe në Australi dhe Zelandën e Re gjithashtu. Të mbash turne është një gjë e veçantë, por ajo nuk më bën të ndihem dhe shumë mirë. Kur jam në shtëpi, unë gëzohem dhe nga gjërat e vogla që me ndodhin, por kur jam në turne jam e stresuar dhe kam histori të tmerrshme nga koncertet. Unë kam bërë 119 shfaqje, duke numëruar këto 4 të fundit shkojnë plot 123. Ka qenë e vështirë por plot me emocione. Unë i kam bërë këto turne, dhe shpresoj t’ju kenë pëlqyer. Dua që koncerti im i fundit të jetë në Londër, këtu në shtëpi. Faleminderit që erdhët, dhe për gjithë dashurinë dhe mirësinë tuaj. Do i kujtoj të gjitha këto për gjithë jetën. Ju dua. Natën e mirë”, shkruan Adele.
