Ish-doktori i ekipit olimpik të gjimnastikës të SHBA-së, Larry Nassar është dënuar 40 deri më 175 vjet burgim. Doktorit mostër, që kishte abuzuar seksualisht ndaj mbi 150 vajzave dhe grave është duke vuajtur aktualisht dënimin. Por ajo që do të vuaj pasojat e atij skandali është Federata Amerikane e Gjimnastikës.
Sipas “Internal Revenue Service”, ky skandal seksual ka një kosto të lartë financiare, që do t’i kushtojë Federatës nga 75 milionë deri në 150 milionë dollarë. Kjo shumë do t’i shkojë sportisteve të abuzuara në gjithë këto vite nga mjeku Nassar, i dënuar me burg nga gjykata. Për Federatën Amerikane të Gjimnastikës hapet kështu një gropë e madhe financiare, ndërkohë që një pjesë e kësaj shume shkon edhe për shpenzime gjyqi.
Abuzoi me 156 vajza/Gjykatësja, doktorit: Sapo ta firmosa urdhrin e vdekjes
Një seancë gjyqësore është mbyllur në SHBA me një vendim ekstrem ndaj doktorit mostër, që kishte abuzuar seksualisht ndaj mbi 150 vajzave dhe grave. Larry Nassar, ish-doktori i ekipit olimpik të gjimnastikës të SHBA-së, është dënuar 40 deri më 175 vjet burgim. Nassar është deklaruar i fajshëm për 10 pika të aktakuzës për sulm seksual kundër vajzave dhe grave të reja, përfshirë garueset olimpike, raporton CNN. Gjykatësja Rosemarie Aquilina e ka refuzuar kërkimfaljen e Nassarit duke e cilësuar atë të pasinqertë dhe i është drejtuar atij me fjalët: “Pjesën e mbetur të jetës do ta kalosh në errësirë”.
Nassar, 54-vjeçar, veçse ka qenë i dënuar me 60 vjet burgim për posedim të pornografisë së fëmijëve. “Ende nuk të ka gjetur çka e meriton. As qentë e mi s’do t’i dërgoja te ti për t’u kontrolluar, zotëri”, i është drejtuar gjykatësja pedofilit Nassar. E në momentin kur ia ka shpallur dënimin me burgim, ajo i ka thënë Nassarit: “Sapo ta firmosa urdhrin e vdekjes”.
Në total 156 vajza dhe gra të reja kanë dëshmuar kundër Nassarit në seanca gjyqësore për shtatë ditë me radhë. Ato kanë zbuluar se si ish-doktori i ekipit olimpik të gjimnastikës të SHBA-së do t’i thërriste ato për t’i trajtuar, por në vend se t’ua largonte dhimbjet, ua vidhte pafajësinë. Ato ishin aq të reja saqë vetëm plot vite më pas e kanë kuptuar se ai në fakt i kishte abuzuar ato seksualisht.
