Kampionët e Premier League morën gjashtë lojtarë të rinj këtë merkato verore, por u refuzuan nga tre objektiva me peshë në futboll.
I pari ishte Romelu Lukaku i cili zgjodhi të kalonte te United edhe pse për Chelsean ishte ndër objektivat primarë.
Më vonë Chelsea ra dakord me Arsenal për Alex Oxlade-Chamberlain derisa ky i fundit preferoi të luante për Liverpool, teksa iu premtua pozicioni i tij i preferuar, ndryshe nga Conte.
Së fundmi Ross Barkly refuzoi të transferohej në Stamford Bridge edhe pse Chelsea ra në dakordësi me Everton për 35 milionë paund.
Kështu ky afat kalimtar nuk ka qenë edhe aq i suksesshëm për shkak të refuzimeve të marra dhe lojtarëve të shumtë që stafi i Chelseat nuk arriti t’i transferonte.
Për këtë gjë, ‘Express’ shkruan se pronari rus i Bluve, Roman Abramovich ka thirrur bordin drejtues, ndër to edhe Marina Granovkaia dhe Michael Emenalo, të dy të ngarkuar për transferimet e Chelseat.
Po ashtu edhe Antonio Conte është shprehur i pakënaqur nga mënyra si bordi menaxhoi afatin e transferimeve.
Chelsea shpenzoi 170 milionë paund këtë verë duke marrë lojtarë si Morata, Bakayoko, Antonio Rudiger, Zappacosta, dhe Drinkwater.
