Është shoqëruar me debate dëshmia e ish-prokurorit Arjan Ndoji në GJKKO lidhur me atentatin e ndodhur ndaj tij në vitin 2019 ku mbeti i vrarë shoferi Andi Maloku.
Ndoji është përballur në sallën e gjyqit me Plaurent Dervishaj dhe Julian Meçaj, të ekstraduar nga Dubai me akuzën si të përfshirë në atentatin ndaj ish-prokurorit.
Pjesë nga debati në GJKKO
Avokati Isuf Shehu, mbrojtësi i Julian Meçaj: Pse e ke këshilluar babain e Julian Meçaj?
Ndoji: Përderisa unë kam marrë plumba dhe nuk i jam debitor askujt, i thashë Basir Meçes, shiko se na kanë ardhur plumba, nuk i meritojmë. Ia kërkova Basirit ta hiqte djalin ta çonte jashtë si mik, si prind. Unë mendoj se po na bënin intriga. Përhapja e një të gënjeshtre si e vërtetë është intriga.
Shehu: Letra anonime poshtë derës, pas ngjarjes. Dyshohet se ti si prokuror, ke ndërhyrë në një çështje ligjore.
Ndoji: Te letra që më erdhi nuk kishte asnjë të dhënë, asgjë të shënuar, as procedimi. As nuk dihet kush e solli atë letër. E mendova, thirra Basirin, ia tregova se çfarë mendoja.
Julian Meçaj – Arjan Ndoja: Në 2001 ke filluar punë. Të kanë ardhur disa letra anonime? Si prokuror, a ia keni dorëzuar organeve?
Ndoja: Jo.
Meçaj: Ti thua nëse do kishe borxh, do e shlyeje medoemos. Si do e ktheje?
Gjykata e refuzon pyetjen.
Debate në sallën e gjyqit. Julian Meçaj, ish-prokurorit: Katolikët e Shkodrës deri te katolikët e Pogradecit, trafikantëve u ke qethur leshtë.
