Sekretari i Përgjithshëm i Partisë Demokratike, Gazment Bardhi, ka folur për mediat pas përfundimit të mbledhjes me deputetët demokratë.
Gjatë fjalës së tij Bardhi ka theksuar se do të zbatojë statutin e Partisë Demokratike, dhe të gjithë ata që duan të mos e respektojnë dhe të ecin përpara me procese antistatutore bëjnë zgjedhjen e tyre.
I pyetur lidhur me vendimin e marrë nga Kryesia për mbajtjen e zgjedhjeve më 29 Korrik brenda Partisë Demokratike, Bardhi theksoi se ka zbatuar vendimin dhe ka njekur detyrimin statutor dhe portokollimin e atij vendimi.
“Përgjigja ime e vetme është se Sekretari i Përgjithshëm i Partisë Demokratrike, është i vendosur për të zbatuar statutin, çdo kush tjetër të ece përpara në procese antistatutore bën zgjedhjen e tij, unë bëj zgjedhjen time ashtu si e kam bërë në beteja që nga shtatori me koherencë të plotë që duhet të jetë statuti dhe rregullat. Pa statut dhe rregulla smund të ketë bashkëjetesë.
Unë e kam zbatuar vendimin e kryesisë kam ndjekur detyrimin statutor dhe protokollimin e atij vendimi. Unë respektoj ccdo vendim statutor, por brenda fushës së komeptenca brenda ccdo institucioni statutor”, tha Bardhi.
