Argita Berisha Malltezi, ishte e ftuar për herë të parë këtë të mërkurë në një emision televiziv.
Përballë kryeredaktorit Roland Zili dhe gazetarit Endri Xhafo, Malltezi foli për protestën e ditës së enjte të thirrur nga opozita, dhe për angazhimin e saj në të ardhmen në politikë.
Malltezi deklaroi se ajo nesër do të jetë në politikë si një aktiviste e PD. E pyetur nga Zili se kur do të jetë momenti i përfshirjes së saj më “kohë të plotë” në politikë si pjesë e lidershipit, Malltezi tha se kur të vijë momenti.
Borakaj: Kryefjalë ka qenë vizita e kryeminsitres italiane Meloni. Është rikthyer një investigim i RAI3, ku ditën e nesërme është paralajmëruar një protestë e opozitës. Ish-kryeminsitri Berisha ka bërë thirrje për protestë masive. A do të jeni ju në krye të kësaj proteste? Qeveria Rama mund të largohet me protesta?
Malltezi: Unë do të jem nesër në protestë si një ndër pjesëmarrësit e protestës. Protesta thirret nga PD, unë do të jem si aktiviste. Për çfarë është protesta, ku qendron opozita? Ishte një investigim i RAI 3 që shpërfaqi përsëri, për shqiptarët dhe botë, edhe për Italinë, narkoshtetin, të cilin opozita ka vite që e denoncon, Berisha ka 500 statuse që e ka denoncuar. Tashmë për të flitet në të gjithë gjuhët e botës. Nuk është vetëm investigimi i RAI 3, ka patur edhe investigime nga media të tjera ndërkombëtare. Të gjitha kanë qenë fakte të njohura, por që tani shqiptarët i shohin dhe i lexojnë dhe në gjuhë të huaja. Sali Berisha ka qenë gjithnjë i vërtetë në këto akuza, PD po kërkon që shqiptarët t’i përgjigjen kësaj situate. Nuk është që Rama ka pritur në zyrë bosët e mafias sipas Arben Ahmetajt, një fakt shumë tronditës ishte larja e këtyre parave në ndërtim. 3.7 miliardë mendohet që është investimi në kullat e Tiranës, 800 milionë vijnë nga bankat, 800 miljonë vijë nga bankat, pra janë 2.1 miliardë para të tjera që janë para të krimit dhe të drogës që janë futur në ndërtim. Ajo që ishte më e rëndë është se Rama tha se 5 vitet e ardhshme do të ndërtohen edhe më shumë kulla.
Zili: Ju nesër do të jeni në protestë si aktiviste, apo lidershi?
Malltezi: Në momentin që do ta bëj këtë hap, siç e kam thënë dhe herë të tjera nuk e kam si projekt. Nuk kam një projekt konkret, shpresoj të viojoj jetën time. Sali Berisha iku nga pushteti në vitin 2013, por ja që vjen momenti për të marrë vendime të tjera.
Malltezi: Asgjë, por unë jam në fakultet, më pëlqen kërkimi shkencor.
Zili: Por thirrja politike është tek dera?
Malltezi: Do e pranoj kur ta vlerësoj, sipas situatës.
