Shkëlzen Berisha është shprehur se nuk ka ndërmend të angazhohet në polititikë. Ndërsa i ka quajtur kërkesat e SPAK për masat e sigurisë ndaj babait të tij, Sali Berisha, si “groteske”.
“Ky vendim është grotesk. Kryetari i opozitës mbahet në arrest shtëpie pa të drejtë komunikimi, pa asnjë akuzë.
Qëllimi politik është i qartë, përdorimi politik i Prokurorisë është i turpshëm. Masat e sigurisë për një lider opozite dhe pyetja që bëni deri tek familjarët e ngushtë është groteske.
S’më takon mua si djalë që ta mbroj. Do të bëj ç’të mundem që babain tim do ta takoj. S’kam në plan të angazhohem në politikë”, tha Shkëzen Berisha.
