Pas kërkesës së SPAK drejtuar kuvendit për arrestimin e Berishës për aferën Partizani, ish-kryeministri ka shkuar në mbledhjen e grupit ku marrin pjesë edhe deputetët e Gazment Bardhit.
Berisha tha se do vendosin në mbledhjen e grupit nëse do të marrë pjesë në mbledhjen e Këshillit për Rregulloren, Mandatet dhe Imunitetin, që pritet të mblidhet në Kryesinë e Kuvendit pas kërkesës së SPAK për arrestimin.
Sipas rregullores, Berisha ka të drejtë të marrë pjesë në këtë mbledhje ku do të shqyrtohet kërkesa e SPAK.
Nuk dihet se çfarë qëndrimi do të mbajë Gazment Bardhi, por në deklaratat e tij publike pas 21 tetorit dhe kur u mor masa e sigurisë për Berishën, ai është shprehur disa herë se do të japë ok për dhënien e autorizimit të Kuvendit për SPAK.
