“U plagosa aksidentalisht”, nuk bind dëshmia e 33-vjeçarit nga Saranda, policia nis hetimet

Nuk ka bindur dëshmia e dëshmia e 33-vjeçarit Hekuran Murtaj, i cili tha se u plagos në krahë pasi i plasi një fishek teksa punonte tokën.

Mësohet se plaga e rëndë në krah që i ka shkaktuar thyerje të kockës dhe disa të dhëna kontradiktore të dëshmuara nga i plagosuri, kanë bërë që policia të dyshojë dhe të nisë hetimet.

Burime bëjnë me dije se në spitalin e Sarandës ai ka deklaruar se banonte në Tiranë. Sakaq, për shkak të gjendjen së rëndë, ai është nisur me autoambulancë drejt Spitalit të Traumës.