Të dielën do të mbahen zgjedhjet e pjesshme në Kukës për zgjedhjen e kreut të Bashkisë. Fondi buxhetor për zhvillimin e këtyre zgjedhjeve është 25.5 milionë lekë.
Kështu bëri të ditur sot kryekomisioneri Iirjan Celibashi gjatë një konference për shtyp. Ai tha se do të votohet në 74 qendra votimi, si dhe një qendër është në institucionin e paraburgimit në Kukës.
“Rezultojnë që ky numër 45 946 zgjedhës në listën e zgjedhësve të bashkisë Kukës, të cilët kanë mundësi të votojnë në zgjedhjet e 24 shtator, prej tyre 22 174 janë votues femra, janë 23 772 janë votues meshkuj. Janë 74 qendra votimi në të cilat do zhvillohet votimi në këto, nga këto 72, një qendër është në institucionin e paraburgimit në Kukës.”-u shpreh Celibashi.
Ai tha se deri tani janë plotësuar nëntë qendra votimi me shtatë anëtare, ndërsa shtoi se presin propozimet për plotësimin e tyre.
“Ka ndryshuar dhe përbërja e komisioneve të qendrave të votimit. Në 37 qendra votimi, pra në gjysmën katër anëtarë janë të PS, 2 PD dhe një anëtar Partia e Lirisë. Në 37 qendrat e tjera konfigurimi është me 3 anëtarë të PS, 3 nga PD dhe një anëtar nga PL-së. Janë deri tani 9 qendra votim që janë të plotësuar me të shtatë anëtarë, pjesa tjetër me gjashtë anëtarë.”-theksoi ai.
