Ministri i Brendshëm, Taulant Balla, ka zhvilluar një takim me Kryetarin e Këshillit të Lartë i Prokurorisë, Alfred Balla.
Takimi, sipas Ballës, kishte fokusin në intensifikimin e goditjes së fenomenit të shpërndarjes së lëndëve narkotike dhe ashpërsimin e dënimeve ndaj veprave kriminale të kryera brenda perimetrit të sigurisë së shkollave.
Pikë tjetër e diskutimit mes dy krerëve ishte dhe eficenca e Oficerëve të Policisë Gjyqësore pranë Drejtorive të Policisë ku KLP-ja vëren mungesë stabiliteti, që shkaktohet nga lëvizjet e shumta mes radhëve të këtyre oficerëve.
Gjatë takimit u diskutua dhe mbi veprimtarinë e Komisionit të Mbrojtjes së Prokurorëve (i cili drejtohet nga KLP-ja) ku ka përfaqësues të Ministrisë së Brendshme dhe Drejtorisë së Përgjithshme të Policisë.
