Vijon të jetë aktive zjarri në Zhamë të Lushnjës, ku flakët po përhapen me shpejtësi.
Bëhet me dije se efektivët e Batalionit të tretë të Këmbësorisë të Forcës Tokësore, i janë bashkuar forcave zjarrfikëse të Lushnjes, Fierit, Divjakës, Roskovecit, Beratit dhe kompanisë Albpetrol në operacionin e fikjes së zjarrit masiv të rënë në kodrat e fshatit Zhamë të Lushnjes.
Edhe pse zjarrfikësit janë në luftë me zjarrin prej ditës së djeshme, ende ka disa vatra aktive. Për shkak të terrenit tëë vëshitirë pritet që të ndërhyhet dhe nga ajri për shuarjen e flakëve, por që deri më tani ende nuk është bërë një ndëryrje e tillë.
Kujtojmë që mbrëmjen e djeshme policia njoftoi se është arrestuar shtetasi R.Z, autori i zjarrvënies. 58-vjeçari ka ndezur zjarr për të djegur mbeturinat, mirëpo flakët kanë dalë jashtë kontrollit.
