Një 80-vjeçar nga Belshi, i cili vuan nga problemet e shëndetit mendor, dyshohet se është mbytur në lumin Devoll.
Ka qenë djali i tij që ka denoncuar zhdukjen e të atit, ndërsa policia menjëherë ka nisur kërkimet përgjatë rrjedhës së lumit.
Njoftimi i policisë:
Shtetasi T. A., 50 vjeç, ka njoftuar sallën operative, se në rrjedhën e lumit Devoll, dyshohet se është mbytur babai i tij, shtetasi R. A., 80 vjeç, banues në fshatin Rrenas, Belsh, i cili që prej datës 31.08.2023, ishte larguar nga banesa dhe nuk ishte kthyer më.
Shërbimet e Policisë kanë shkuar menjëherë në adresën e dhënë dhe sëbashku me familjarët kanë nisur kërkimet përgjatë rrjedhës së lumit.
Familjarët kanë deklaruar se shtetasi R. A., kishte probleme të shëndetit mendor.
Vijonë kërkimet në të gjithë rrjedhën e lumit, me qëllim gjetjen e trupit të 80-vjeçarit.
