Kruja është tronditur gjatë natës nga shpërthimi i një sasie tritoli.
Bëhet me dije se një sasi tritoli ka shpërthyer në aksin Fushë Krujë-Krujë në afërsi të lagjes Zim Zeneli të këtij qyteti.
Është ende e paqartë se cili ka qenë objektivi i sulmit pasi sasi e lëndës plasëse ka shpërthyer në mes të rrugës.
Nga shpërthimi është hapur një gropë në rrugë dhe janë thyer xhamat e vitrinat e disa banesave dhe bizneseve aty pranë.
Shpërthimi është regjistruar rreth orës 02:00 pas mesnate.
Njoftimi i policisë:
Më datë 03.08.2023, rreth orës 02:25, në rrugën “Zim Zeneli” (në asfalt) dyshohet se ka shpërthyer një sasi lënde plasëse dhe si pasojë e shpërthimit janë dëmtuar xhamat e katër bizneseve përreth.
Grupi hetimor po punon për sqarimin e rrethanave të ngjarjes.
