Në emisionin “Open” në “News24”, analisti Ergys Mërtiri teksa komentoi mungesën e kryeministrin Edi Rama në Kuvend, u shpreh se ka një problem shumë të madh, pasi shmang përgjegjësinë për të dhënë llogari.
“Rama e di që është i zhytur në llucën e tij dhe nuk ka se çfarë të thotë. Ne nuk kemi nevojë të shohim politikanë që bëjnë sikur janë të shqetësuar shumë. Të gjithë e dimë që Ahmetaj ishte figurë e rëndësishme dhe po ashtu qytetarët janë i kanë njohur korrupsionet masive. Përgjegjësia duhet dhënë, por ne nuk kemi Parlament. Po të kishim Parlament serioz do ta merrnim Ramën në pyetje”, tha Mërtiri.
Nga ana e tij ish-Prokurori, Eugen Beci u shpreh: “Detyra e një kryeministri është të merret me gjithçka sa i përket shkeljeve të ligjit. Por të thuash që kryeministri nuk ka dijeni nëse printohen 17 VKM, është komplet e ndryshme. Reforma në drejtësi ose nuk është bërë mirë ose është bërë qëllimisht për të lënë litarin jashtë. Në Republikën e Shqipërisë arrestimet i bën gjykata nuk i bën Prokuroria. Por tek ne kemi të bëjmë me një ngërç kontradiktor të institucioneve. Në rast se nuk do të kishte imunitet të plotë, Ahmetaj mund të ishte arrestuar”.
