Prokuroria e Posaçme i kërkon Parlamentit autorizimin për arrestimin e ish-zv.kryeministrit Arben Ahmetaj.
I ftuar në një intervistë televizive, avokati Spartak Ngjela tha se SPAK siç duket ka nisur ta marrë veten pak orë pasi u mësua se SPAK i kërkoi Kuvendit autorizimin.
“Pyetja është a do ta lëshojë Rama? Nuk është aq e thjeshtë. Është i fshehtë votimi por shumicën e ka Rama dhe Ahmetaj është një nga bashkëpunëtorët më të ngushtë të tij. Deri tani ta nuk ka folur Rama por prokuroria. Nëse Rama nuk ia jep lejen do ta ketë më keq ky se fyhet SPAK. Duhet të presim çfarë do të ndodhë në parlament. Nëse ky bëhet pentito (i penduar) shkon Rama në burg. Nuk ua thotë njeri tjetër këtë. Mbaje shënim, shkon Rama në burg. Nuk ua thotë njeri tjetër këto.
Nëse Kuvendi i jep 71 vota që ky të arrestohet prishet marrëdhënia e tij me Ramën. Dhe ai nuk ka më shprese tek Edi Rama por tek pendimi. Bëhet i penduar dhe nuk dihet çfarë ndodh”, u shpreh Ngjela.
Nëse Kuvendi i hap rrugë SPAK atëherë Ametaj është personaliteti më i lartë socialist që përballet me kërkesën për arrestim në tri dekadat e fundit në Shqipëri.
