Kryeministri Edi Rama ka njoftuar se Shqipëria do të jetë pjesë e Programit të Evropës Dixhitale. Kreu i qeverisë shkruan se me firmosjen e marrëveshjes në Bruksel, qytetarët, bizneset dhe institucionet publike do të mund të aplikojnë për programin e ri financues të BE-së me vlerë 7.5 miliardë euro.
Postimi i kryeministrit Rama:
LAJMI I MIRË🇦🇱🤝🇪🇺
Nga sot Shqipëria do të jetë pjesë e Programit të Europës Digjitale📲
✍️Sot me firmosjen e marrëveshjes në Bruksel, Shqipëria, Serbia, Maqedonia e Veriut dhe Mali i Zi do të jenë pjesë e Europës Digjitale ku qytetarët, bizneset, institucionet publike do të kenë mundësi të aplikojnë në programin e ri financues të BE-së prej gati 7,5 miliard Euro🙏
💻Agjenda digjitale e cila është një nga shtyllat kryesore të qeverisë shqiptare tashmë do të mbështetet edhe nga programet e BE🇪🇺🤝🇦🇱
