Policia e Shtetit ka publikuar aksionin e sotme në kampin e MEK në Manëz të Durrësit. Në pamje përmes dronëve, shihen anëtarë të MEK, të cilët tentojnë të djegin disa dokumente brenda kampit gjatë kohës kur ka ndërhyrë policia.
Ministria e Brendshme hodhi poshtë pretendimet e anëtarëve të MEK, se ka pasur një person të vdekur, si pasojë e veprimeve të polcisë.
“Ne po presim ekspertizën mjekoligjore, ka pamje, nuk është prekur qoftë dhe një anëtar i MEK në Manëz. Edhe një person nuk është prekur me dorë. Do presim ekspertizën mjeko-ligjore për të dalë në konkluzione, por unë jam i bindur se kemi pasur kujdesin e duhur, që mos të krijojmë incidente brenda kampit”, tha Çuçi.
