Ish-kryetari i Partisë Demokratike, Lulzim Basha, ka folur për herë të parë lidhur me akuzat e bëra nga ish-kryeministri Sali Berisha përgjatë gjithë kësaj kohe.
I pyetur se pse nuk ka ardhur asnjë reagim nga ai, Basha tha se nuk e ka pasur të lehtë të heshte, mirëpo duhej ta bëntë në mënyrë që demokratët të mos përçaheshin.
Basha tha se ka qenë e dhimbshme që ato akuza i ka dëgjuar nga dikush që e ka pasur për 9 vite në krah të djathtë. Sipas ish-kreut të PD-së, shkak për të gjitha këto akuza është bërë vendimi i marrë nga ky i fundit më 9 shtator të 2021 i cili pas shpalljes non grata të Berishës, u detyrua ta largonte atë nga Grupi Parlamentar i Partisë Demokratike.
“E para e punës kush do përfitonte nga kjo,. Dua tju heq çdo dilemë, nuk kam heshtur se skam çfarë them për sulmet denigrimet gjuhën e përdorur, as nuk kam çfarë them për kë i ka bërë. Kam heshur se kam qenë i vetëdijshëm se hidh baltë njëri dhe hidh baltë tjetri kjo vetëm do thellonte ndarjen mes demokratëve. Siç kam qenë i bindur se koha është shpalosja e të vërtetës, e ja shikoni koha si i ka nxjerrë gënjeshtrat. Por a e kam pasur të lehtë? Se kam pasur fare të lehtë.
Ne kemi këtë kulturë politike ne kemi vite, kemi vite që dëgjojmë këto. Ajo që e ka bërë të dhimbshme për mua është fakti se ato sulme që i kam dëgjuar nga goja e Ramës tani i dëgjoj të njëjtat nga goja e dikujt që e kam pasur në krahë për 9 vite. Nga goja e dikujt që për 9 vite hidhej dhe i kundërshtonte kur dilnin nga goja e kundërshtarit. Dhe ju e dini pse ka ndodhur kjo gjë, në 9 shtator 2021 unë duhet të merrja një vendim të vështirë por të domosdoshëm. Një vendim që i takonte atij vetë ta merrte por që refuzoi ta merrte. Ky vendim na ndau. Shpallja non grata nga SHBa dhe më pas nga Britania e Madhe”, tha Basha.
